ა(ა)ი.პ “საქართველოს ჯანმრთელობის ფედერაციის”, ა(ა)ი.პ “ქალები ქალებისთვის” ორგანიზებით და ჩოხატაურის მუნიციპალიტეტის მერიის მხარდაჭერით 5 ივლისს ჩოხატაურის მუნიციპალიტეტში საქველმოქმედო-სამედიცინო აქცია გაიმართა!
მ. იაშვილის სახელობის ბავშვთა ცენტრალური საავადმყოფოსა და კლინიკა “კანის” ექიმებმა პროფესორ ივანე ჩხაიძის ხელმძღვანელობით საქველმოქმედო აქციის ფარგლებში “ჯანმრთელობის სახლი გურიაში” 500 მდე კონსულტაცია ჩაატარეს.
0-18 წლამდე პაციენტებს ჩოხატაურის მუნიციპალიტეტში უკვე მეორედ მიეცათ შესაძლებლობა მაღალი კვალიფიკაციის ექიმებისგან ადგილზე მიეღოთ უფასო კონსულტაციები. გასულ წელს მსგავსი ტიპის აქციაში 550 ზე მეტი კონსულტაცია ჩატარდა.
