“საქართველოს ჯანმრთელობის ფედერაციასა” და “ბათუმის სამედიცინო აკადემიას” შორის ურთიერთთანამშრომლობის მემორანდუმი გაფორმდა, რომელიც მიზნად ისახავს საერთო ძალისხმევით ხელი შეუწყოს უწყვეტი სამედიცინო განათლების, პროფესიული განვითარებისა და ჯანდაცვის სფეროში ინოვაციური პროექტების განხორციელებას.
აღნიშნული თანამშრომლობა უზრუნველყოფს ახალი შესაძლებლობების შეთავაზებას, როგორც სტუდენტებისთვის, ისე ჯანდაცვის სფეროს პროფესიონალებისთვის – აკადემიური და პრაქტიკული უნარების გაძლიერების მიმართულებით.
“ბათუმის სამედიცინო აკადემია” მემორანდუმის ფარგლებში მონაწილებას მიიღებს შიდსის, ტუბერკულოზის, კიბოს სკრინინგისა და სისხლის უანგარო დონაციის საგანმანათლებლო კამპანიებში, რომელსაც “საქართველოს ჯანმრთელობის ფედერაცია” დაავადებათა კონტროლისა და საზოგადოებრივი ჯანმრთელობის ეროვნულ ცენტრთან პარტნიორობით ახორციელებს.
ამავდრულად ორგანიზაციები შეიმუშავებენ ერთობლივ პროექტებს, რომელიც ახალგაზრდობის ჯანმრთელობის ხელშეწყობისა და ცნობიერების ამაღლებისაკენ იქნება მიმართული.
