2024 წლის 15 ივნისს პირველად საქართველოში “საქართველოს ჯანმრთელობის ფედერაციისა” და “საქართველოს ადვოკატები დამოუკიდებელი პროფესიისთვის ” ორგანიზებითა და თანამშრომლობით სამედიცინო სამართლის ყოველწლიური კონგრესი ჩატარდა.
შეხვედრაზე, სამედიცინო სექტორისა და სამეცნიერო საზოგადოების წარმომადგენლებმა, მოსამართლეებმა და ადვოკატებმა, სამედიცინო სამართლის პრობლემურ და აქტუალურ საკითხებზე იმსჯელეს.
განიხილეს პაციენტებისა და ექიმების ურთიერთობის, ასევე სამედიცინო დავების საკითხები, პაციენტის ავტონომიის უფლება, ექიმის საქმიანი რეპუტაციის დაცვის სტანდარტი და სამედიცინო მომსახურების გაწევის თანამედროვე გამოწვევები.
