13 დეკემბერს რუსთავის მუნიციპალიტეტის მერიაში დაავადებათა კონტროლისა და საზოგადოებრივი ჯანმრთელობის ეროვნული ცენტრის „სისხლის უანგარო რეგულარული დონორობის მხარდაჭერისა და მოზიდვის ეროვნული კამპანიის ფარგლებში“ პარტნიორი ორგანიზაციის „საქართველოს ჯანმრთელობის ფედერაციის“ ორგანიზებით რუსთავის მერიის თანამშრომლებთან საინფორმაციო შეხვედრა გაიმართა.
შეხვედრის მონაწილეებს სისხლის უანგარო დონაციის მნიშვნელობისა და საჭიროების შესახებ ჰემატოლოგ-ტრანფუზიოლოგი მაია ბეროძე ესაუბრა. კამპანიის მიზნებისა და ქვეყნის მასშტაბით დაგეგმილი ღონისძიებების შესახებ ინფორმაცია დამსწრე აუდიტორიას “საქართველოს ჯანმრთელობის ფედერაციის” დირექტორმა მეგი საჯაიამ მიაწოდა.
საინფორმაციო შეხვედრები და სისხლის უნაგარო დონაციის აქციები მსხვილ დამსაქმებლებთან, ადგილობრივ თვითმმართველობებთან, საჯარო და კერძო სექტორის წარმომადგენლებთან, მედია ორგანიზაციებთან, არასამთავრობო სექტორთან და სტუდენტურ თვითმმართველობებთან ეროვნული კამპანიის ფარგლებში აქტიურად მიმდინარეობს.
