სისხლის უანგარო დონორი შეიძლება გახდეს ნებისმიერი ჯანმრთელი ადამიანი 18-დან 65 წლამდე თუ: თქვენი წონა 50 კგ და მეტია, არ გაქვთ გადატანილი ჰეპატიტი B ან C, სიფილისი, არ ხართ დაავადებული აივ ინფექციით, სიფილისით, მალარიით. არ ხართ ნარკოტიკების მომხმარებელი.
სისხლის თუნდაც ერთხელ გაღებით, შენ სამი ადამიანის სიცოცხლეს გადაარჩენ! სისხლის პროდუქტებზე დროული ხელმისაწვდომობის არქონა შესაძლებელია ფატალურად დასრულდეს! სამწუხაროდ, სისხლის და სისხლის პროდუქტების შემცვლელი ხელოვნური ხსნარები არ არსებობს. სისხლის პროდუქტების მიღების ერთადერთი გზა, სისხლის ჩაბარებაა! ნებისმიერ დროს, ნებისმიერ ჩვენგანს შეიძლება დასჭირდეს სისხლი, სიცოცხლის შესანარჩუნებლად! სისხლის საჭიროება განსაკუთრებით მაღალია ავტოკატასტროფების, დამწვრობების, გულის ოპერაციების, გართულებული მშობიარობის ან მშობიარობის შემდგომი გართულებების, ანემიების, სიმსივნეების დროს!
ყველა ჯანმრთელ, ზრდასრულ ადამიანს წელიწადში 5-6 ჯერ შეუძლია საკუთარი ჯანმრთელობისთვის სრულიად უსაფრთხოდ სისხლის ჩაბარება! საქართველოს მოსახლეობის 40-50 %-ს შეუძლია იყოს სისხლის უანგარო დონორი!
სისხლის დონაცია იოლი, აბსოლუტურად უსაფრთხო და უმტკივნეულო პროცესია და დაახლოებით 10 წუთი გრძელდება! სისხლის გაღების შემდეგ აქტიურდება სისხლმბადი ორგანოები და ძვლის ტვინი გამოიმუშავებს ახალ სისხლს, ორგანიზმში წარმოიქმნება ახალი სასიცოცხლო ძალა! დონორის სისხლის გამოკვლევა ხდება შემდეგ ინფექციებზე: სიფილისზე, ჰეპატიტებსა და შიდსის ვირუსზე! სისხლის დონაციისას იხმარება მხოლოდ ერთჯერადი მასალა!
