ფედერაციის წევრობის წესები და პირობები

ა(ა)იპ „საქართველოს ჯანმრთელობის ფედერაცია“ აერთიანებს ექიმებს, რომლებიც ზრუნავენ პროფესიულ განვითარებაზე, სამედიცინო ეთიკისა და პაციენტის უფლებების დაცვაზე.

წევრობის უპირატესობები

პროფესიული განათლება

• წელიწადში 2 ან მეტი უფასო ვებინარი აქტუალურ თემებზე (სამედიცინო სამართალი, პაციენტთან კომუნიკაციის სტანდარტები, სტრესის მართვა, ინფექციის კონტროლი, ხელოვნური ინტელექტის გამოყენება მედიცინაში და სხვა).

• 50%-იანი ფასდაკლება ფედერაციის მიერ ორგანიზებულ აკრედიტებულ ტრენინგებსა და კონგრესებზე.

პროფესიული მხარდაჭერა

• უფასო სამართლებრივი კონსულტაცია.

• უფასო საინფორმაციო მხარდაჭერა ფედერაციის პლატფორმებსა და პროფესიულ ჯგუფებში.

• 50%-იანი ფასდაკლება პარტნიორ პლატფორმებსა და ჯგუფებში.

• ფედერაციის პროექტებში მონაწილეობის შესაძლებლობა თემატური მიმართულებების მიხედვით.

პროფესიული პოპულარიზაცია და აღიარება

• წევრი ექიმების პროფესიული პოპულარიზაცია ფედერაციის საინფორმაციო არხებში.

• ექიმების პროფესიული გამოცდილებისა და საქმიანობის წარდგენა ინტერვიუების, სტატიებისა და ექსპერტული კომენტარების ფორმატში.

• ფედერაციის მიერ წევრი ექიმების პერიოდული დაჯილდოება ისეთ მიმართულებებში, როგორიცაა:

  • მუდმივი პროფესიული განათლება;

  • პაციენტის უფლებების დაცვა;

  • სამედიცინო ეთიკის მაღალი სტანდარტები;

  • საზოგადოებრივი ჯანმრთელობის განვითარებაში შეტანილი წვლილი.

პაციენტების უკუკავშირი

• ფედერაცია პერიოდულად გამოაქვეყნებს პაციენტების მადლიერების წერილებსა და პოზიტიურ შეფასებებს წევრი ექიმების პროფესიონალიზმისა და პაციენტზე ზრუნვის შესახებ.

ფედერაციის ეთიკის კოდექსი ექიმებისთვის

1. ზოგადი პრინციპები – ფედერაციის წევრი ექიმი ხელმძღვანელობს პროფესიული ეთიკის, ადამიანის ღირსებისა და პაციენტის უფლებების დაცვის პრინციპებით. იგი ვალდებულია, იმოქმედოს პაციენტის საუკეთესო ინტერესებიდან გამომდინარე და დაიცვას სამედიცინო პროფესიის მაღალი სტანდარტები.

2. პაციენტის უფლებები – ფედერაციის წევრი ექიმი ვალდებულია:

• პატივი სცეს პაციენტის ღირსებასა და კონფიდენციალურობის უფლებას;

• მიაწოდოს პაციენტს სრულყოფილი და გასაგები ინფორმაცია მისი ჯანმრთელობის მდგომარეობის შესახებ;

• უზრუნველყოს ინფორმირებული თანხმობა სამედიცინო ჩარევამდე;

• არ დაუშვას დისკრიმინაცია ასაკის, სქესის, სოციალური სტატუსის, რელიგიის ან სხვა ნიშნით.

3. პროფესიული პასუხისმგებლობა – ფედერაციის წევრი ექიმი:

• მოქმედებს მტკიცებულებებზე დაფუძნებული მედიცინის პრინციპებით;

• მუდმივად ზრუნავს პროფესიულ განვითარებაზე;

• მონაწილეობს პროფესიულ ტრენინგებსა და საგანმანათლებლო პროგრამებში;

• არ ავრცელებს მცდარ ან დაუდასტურებელ სამედიცინო ინფორმაციას.

4. პროფესიული ურთიერთობები – ფედერაციის წევრი ექიმი:

• პატივს სცემს კოლეგებსა და სხვა ჯანდაცვის პროფესიონალებს;

• ხელს უწყობს თანამშრომლობასა და პროფესიული გამოცდილების გაზიარებას;

• არ ეწევა არაკეთილსინდისიერ კონკურენციას.

5. საზოგადოებრივი პასუხისმგებლობა – ფედერაციის წევრი ექიმი:

• ხელს უწყობს საზოგადოებრივი ჯანმრთელობის გაუმჯობესებას;

• მონაწილეობს საგანმანათლებლო, საქველმოქმედო და პრევენციულ პროგრამებში;

• იცავს ფედერაციის რეპუტაციას.

6. ეთიკის კოდექსის დარღვევა – ეთიკის კოდექსის დარღვევის შემთხვევაში, ფედერაცია უფლებამოსილია:

• წევრს მისცეს გაფრთხილება;

• დროებით შეაჩეროს მისი წევრობა;

• მძიმე დარღვევის შემთხვევაში, გააუქმოს წევრობა.

წევრობის კრიტერიუმები და პირობები

ვინ შეიძლება გახდეს წევრი?

ფედერაციის წევრი შეიძლება გახდეს პირი, რომელიც აკმაყოფილებს შემდეგ მოთხოვნებს:

1. აქვს უმაღლესი სამედიცინო განათლება;

2. ფლობს მოქმედ სამედიცინო ლიცენზიას (საჭიროების შემთხვევაში);

3. იზიარებს ფედერაციის მიზნებსა და პროფესიული ეთიკის სტანდარტებს;

4. მზად არის, მონაწილეობა მიიღოს ფედერაციის პროფესიულ და საგანმანათლებლო საქმიანობაში;

5. სრულად ფარავს წევრობის საფასურს.

შენიშვნა: წევრობის განაცხადს განიხილავს ფედერაციის შესაბამისი მმართველი ორგანო (საბჭო).

წევრობის შეჩერება

წევრობა შეიძლება დროებით შეჩერდეს შემდეგ შემთხვევებში:

• წევრობის საფასურის გადაუხდელობა;

• ფედერაციის წესდებისა და ეთიკის ნორმების დარღვევა;

• ფედერაციის სახელის არასწორი ან არაეთიკური გამოყენება;

• წევრის პირადი განცხადება წევრობის დროებითი შეჩერების შესახებ.

წევრობის გაუქმება

წევრობა შეიძლება გაუქმდეს, თუ დაფიქსირდა:

• პროფესიული ეთიკის განმეორებითი ან მძიმე დარღვევა;

• ფედერაციის საქმიანობისთვის ზიანის მიყენება;

• წევრობის საფასურის ხანგრძლივი გადაუხდელობა;

• წევრობის განაცხადში ყალბი ინფორმაციის წარმოდგენა;

• წევრის წერილობითი მოთხოვნა წევრობის შეწყვეტის შესახებ.

(გადაწყვეტილებას წევრობის გაუქმების შესახებ იღებს ფედერაციის მმართველი ორგანო).

წევრობის საფასური და რეკვიზიტები

• წლიური საფასური (ერთიანი გადახდის შემთხვევაში): 299 ლარი

• საფასური (6 თვეში ერთხელ გადახდის შემთხვევაში): 199 ლარი

საბანკო რეკვიზიტები:

• მიმღები: ა(ა)იპ „საქართველოს ჯანმრთელობის ფედერაცია“

• საიდენტიფიკაციო კოდი: 405389075

• მომსახურე ბანკი: საქართველოს ბანკი

• ბანკის კოდი: BAGAGE22

• ანგარიშის ნომერი: GE50BG0000000346002402GE