დაავადებათა კონტროლისა და საზოგადოებრივი ჯანმრთელობის ეროვნული ცენტრის კიბოს სკრინინგის პოპულარიზაციის ეროვნული კამპანიის ფარგლებში
ცენტრის კონტრაქტორი ორგანიზაციის “საქართველოს ჯანმრთელობის ფედერაციის” ორგანიზებით
25 ნოემბერს ჩოხატაურში ქალთა ჯანმრთელობის ცენტრის – “ჰერას” მობილურმა ჯგუფმა “მედალფას” ჩოხატაურის კლინიკასთან თანამშრომლობით სკრინინგ აქცია გამართა.
სამედიცინო აქცია მუნიციპალიტეტის მერიისა და ორგანიზაციის “ქალები ქალებისთვის” აქტიური მხარდაჭერითა და ორგანიზებით გაიმართა.
სახელმწიფო პროგრამის ფარგლებში ძუძუსა და საშვილოსნოს ყელის უფასო კვლევებით ასამდე ქალბატონმა ისარგებლა.
აქციის მონაწილეებს დაურიგდათ დაავადებათა კონტროლისა და საზოგადოებრივი ჯანმრთელობის ეროვნული ცენტრის მიერ შემუშავებული საინფორმაციო მასალა .
