“იმედის კლინიკაში” სისხლის უანგარო დონაციის აქცია და საინფორმაციო შეხვედრა ჩატარდა

15 ნოემბერს სამშობიარო სახლსა და პედიატრიულ საავადმყოფო “იმედის კლინიკაში” დაავადებათა კონტროლისა და საზოგადოებრივი ჯანმრთელობის ეროვნული ცენტრის „სისხლის უანგარო რეგულარული დონორობის მხარდაჭერისა და მოზიდვის ეროვნული კამპანიის ფარგლებში“ პარტნიორი ორგანიზაციის „საქართველოს ჯანმრთელობის ფედერაციის” ორგანიზებით კლინიკის მედპერსონალთან საინფორმაციო შეხვედრა და სისხლის უანგარო დონაციის აქცია გაიმართა.

შეხვედრის მონაწილეებს სისხლის უანგარო დონაციის მნიშვნელობის, საჭიროებისა და სისხლის ახალი სისტემის შესახებ ჰემატოლოგ-ტრანფუზიოლოგი მაია ბეროძე ესაუბრა.

კამპანიის მიზნებისა და ქვეყნის მასშტაბით დაგეგმილი ღონისძიებების შესახებ ინფორმაცია დამსწრე აუდიტორიას “საქართველოს ჯანმრთელობის ფედერაციის” დირექტორმა მიაწოდა.

“იმედის კლინიკის” თანამშრომლებმა მონაწილეობა მიიღეს ეროვნული კამპანიის ფარგლებში დადგემილ სისხლის უანგარო დონაციის ბარიერების კვლევაში.