“საქართველოს ჯანმრთელობის ფედერაციის” ორგანიზებითა და გურჯაანის მუნიციპალიტეტის მერიის მხარდაჭერით, საქველმოქმედო სამედიცინო აქცია გაიმართა, რომლის ფარგლებშიც ადგილობრივ მოსახლეობას 402 უფასო კონსულტაცია ჩაუტარდა.
აქციაში მონაწილეობდნენ იაშვილის სახელობის კლინიკის სამედიცინო პერსონალი (ხელმძღვანელი: ივანე ჩხაიძე), დერმატოლოგი თამარ კარელიძე და ფრანგული კლინიკა “კახეთი იონის” კოლექტივი (დირექტორი: თამარ ცანკაშვილი).
ღონისძიების ორგანიზებაში ჩართულნი იყვნენ გურჯაანის მუნიციპალიტეტის მერიის წარმომადგენლები, მათ შორის ვიცე-მერი თეიმურაზ ზავრაშვილი და ადმინისტრაციის ხელმძღვანელი ხატია ზაკალაშვილი.
აქციის ფარგლებში, „გურჯაანის ნაყინის“ მფლობელმა, გურამ ბერიკაშვილმა, უზრუნველყო პაციენტების გამასპინძლება. ღონისძიებაში აქტიურად მონაწილეობდნენ ადგილობრივი ბავშვები და მათი მშობლები.
