24 აგვისტოს გლდანის რაიონში დაავადებათა კონტროლისა და საზოგადოებრივი ჯანმრთელობის ეროვნული ცენტრის „სისხლის უანგარო რეგულარული დონორობის მხარდაჭერისა და მოზიდვის ეროვნული კამპანიის ფარგლებში“ პარტნიორი ორგანიზაციის „საქართველოს ჯანმრთელობის ფედერაციის“ ორგანიზებით და “სისხლის ბანკის” ჩართულობით საინფორმაციო შეხვედრა და სისხლის უნაგარო დონაციის აქცია გაიმართა.
შეხვედრას ესწრებოდნენ გლდანის რაიონის საკრებულოს და გამგეობის თანამშრომლები, ბაგა-ბაღების ხელმძღვანელი პირები და კერძო დამსაქმებელები.
სისხლი უანგაროდ ჩააბარა მსხვილი სამშენებლო კომპანიის “მეგობრობის” დირექტორმა ილია ძიგურაშვილმა და სამომავლოდ ეროვნული კამპანიის ფარგლებში “მეგობრობაში” დასაქმებულთა ჩართულობით სისხლის უანგარო დონაციის აქციის ორგანიზების სურვილი გამოთქვა.
ეროვნული კამპანიის მიზანია ქვეყნის მასშტაბით სისხლის უანგარო, რეგულარული დონორობის პოპულარიზაცია და უანგარო, რეგულარული დონორების მოზიდვა და შენარჩუნება ნებაყოფლობითი დონორების საერთო რიცხვის გაზრდის მიზნით.
