ზუგდიდში კიბოს სკრინინგის საკითხებზე მოსახლეობის საგანმანათლებლო და ცნობიერების ამაღლების ეროვნული კამპანიის ფარგლებში სახელოვნებლო სკოლების გაერთიანებაში კლასიკური მუსიკის კონცერტი – „სიცოცხლის ზეიმი“ გაიმართა, რომელშიც სახელოვნებო სკოლების გაერთიანების მოსწავლეები მონაწილეობდნენ.
ღონისძიება წარმატებულ მკურნალობაში სკრინინგის სახელმწიფო პროგრამის, რეგულარული გამოკვლევებისა და ადრეული დიაგნოსტიკის მნიშვნელობას მიეძღვნა.
ღონისძიებას ესწრებოდა ჩეხეთის რესპუბლიკის კარიტასის საქართველოს ოფისის ხელმძღვანელი ეკატერინე მესხრიკაძე, რომლის ფინანსური დახმარებითაც მოხდა ზუგდიდში სკრინინგ ცენტრის დაფუძნება.
ღონისძიებას ასევე ესწრებოდნენ პაციენტთა სათემო ორგანიზაციის “გამარჯვებულ ქალთა კლუბის” წევრები, რომელთაც სწორედ სკრინინგ პროგრამების დახმარებით ადრეულ ეტაპზე აღმოაჩინეს და დაამარცხეს დაავადება.
კიბოს სკრინინგის საკითხებზე მოსახლეობის საგანმანათლებლო და ცნობიერების ამაღლების ეროვნული კამპანია სექტემბერში დაიწყო და წლის ბოლომდე გაგრძელდება. კამპანიის ფარგლებში იმართება საინფორმაციო შეხვედრები, სკრინინგ აქციები და კრეატიული ღონისძიებები თბილისში, ქუთაისში, სამცხე ჯავახეთში, კახეთში, შიდა ქართლში, გურიასა და სამეგრელოში.
15 ნოემბერს ზუგდიდში ერთობლივი საინფომაციო შეხვედრა და სკრინინგ აქცია გაიმართა. მსგავსი აქტივობები ჩატარდა ოქტომბრის თვეში მარტვილსა და წალენჯიხაში.
სამეგრელოში ეროვნული კამპანია დასკვნითმა ღონისძიებამ – კლასიკური მუსიკის კონცერტმა დაასრულა.
